Matafa Lifestyle Limited

ARCO 二合一咖啡磨豆機 ( 2-in-1 COFFEE GRINDER)

Kuantitas

Ringkasan

+ 到底買電磨定手磨好？呢個係每個啡友入坑後必經嘅掙扎位，當然有人會豪氣地講 why not both？以前人哋咁同我講，我會話幾百萬未開頭咩！不過今次 GOAT STORY 開發嘅ARCO，就真係可以手磨電磨二合一！ Amazing 🤩 ARCO 設計特點 1）全研磨範圍。180 種研磨設置，由意式espresso 、土耳其咖啡到冷泡等都可以輕鬆做到。 2）零殘粉 每個研磨顆粒都會落在磁性咖啡收集器中。 3）卓越的研磨質量 咖啡味道更甜、更清脆、更清晰。 4） 二合一設計 手磨又得，將其連接到其電源底座電磨又得！ Catcher capacity: up to 50g Conical burr size: 47mm (outer), 32mm (inner) Motor: High speed AC motor reduced to 360 rpm Noise level: 65 dB Power source: 110V or 220V ⭐️香港鳩沖咖啡關注組⭐️ 期待已久嘅Arco 2 in 1 手電兩用磨豆機終於出貨喇，Goat Story嘅產品一向都超高美感，之前出過杯同冰滴手沖濾杯，終於等到佢哋出磨喇，緊係立刻開箱試用啦。 外觀靚仔，拎上手就好鍾意，一體成型設計，800幾g唔算重，手磨時感覺好好，好輕鬆就完成研磨，15g中焙豆大概24秒，磨完都唔覺攰，C40大概38-40 秒，手握位有大幅度膠帶，唔會滑手，調節研磨度容易，整體研磨手感舒服、輕鬆。 講得2 in 1，當然係今次嘅賣點，可以安裝係電動支架上面，變換成電磨啦，對於都市人返工日子生活都比較急促，可以用電磨，就方便好多啦，到假日可以慢慢享受嘅時候，又可以變番手磨，感受下手磨嘅研磨感，一流呀！安裝簡單方便，體積都係賣點，水喉通設計除咗特別，重好慳立，直係無藉口話無位喇🙈。 除咗外觀，風味當然係重點，開箱直播時初試甜感明亮、乾淨，有驚喜，再係COE試飲會連續試用，發現口感乾淨嘅佢，磨花香豆明顯出眾，乾淨、花香、甜感高，唔錯喎。幼粉比例比C40會多啲，沖咗5-6轉，未覺有太大影響，手磨我依家用2圈57-59，按豆作微調。初次上電動架時，同樣研磨度磨粉出黎會比較粗啲啲，電動時可以微調2小格。 整體用咗大概8次，直播片係電磨手沖，口感、風味好啱我，試飲會直接手磨唔同嘅豆，出嚟風味都無唔妥，收貨，整體用後感良好，又靚，比高分🥰，價錢方面，電動版$3450，都算合理價錢，兩款都有小小現貨，有需要可以上黎“鳩巢”試過先買😎，當然鳩友會有優惠啦，有興趣pm約我啦😌。 直播開箱👇🏻 https://www.facebook.com/groups/185760429965946/permalink/541901491018503/?mibextid=GQ1ERd

Anda mungkin juga suka