【一心❤️同行】延續篇
一年前既今日，再抱住你返醫院🏥 當時心裡面諗拆喉仔只係四日，「心心 你要乖呀🥹唔好再嚇我😭」
結果由個日開始，癌細胞加速既變化令人難以想像，陪伴你身邊由害怕變成冷靜。
「復發」呢兩個字已經開始要學識接受同面對，講真面對「死亡」真係唔容易仲要係身為媽媽既角色，學習「放手」究竟係用咗幾耐時間去消化？
其實我諗唔會有答案，因為當眼淚同說話已經再表達唔到任何野，唯一可以做既就係好好生活。
2022年10月16日係你離開我身邊第300日，媽媽仍然好努力學習生活。
上次100盒係香港既時候，親手可以整哂。
但今次300盒我身在英國，學習「重新生活」既同時，係我身邊既拍擋、朋友都知我好想延續呢份愛，所以佢地都好努力幫助我，多謝你哋!!
飲咖啡☕️既時候必定記起心心，教你聞咖啡既樣（超可愛☺️）
仲會記起你既勇敢、笑容、扭計、百厭、仲好叻咁挑戰一次又一次既治療時，心裡就會有份力量（作為媽媽都要有呢份勇敢）。
【我記住你的一切，使世界亮了點。】
咖啡套裝既插畫故事包含5個元素 ：愛 、堅持 、珍惜、擁抱 、陪伴。
希望透過慈善義賣可以幫助更多有需要既有人，多謝各方好友既出手幫肋🙏🏻🙇🏼♀️在心中🤎
⭐️嗚謝插畫師：Sushi (IG:c4choco)⭐️
（用心的插畫師完完全全表達我的心中的情景☺️）
